កម្លាំងនគរបាលប៉ុស្តិ៍បឹងទំពន់ទី១ ឃាត់ខ្លួនជនសង្ស័យម្នាក់ពីបទលួច ស្លាកលេខរថយន្ត
14-August-2018 | ដោយ ពលមនសិការ
ភ្នំពេញ៖នៅថ្ងៃទី១៤ ខែសីហា ឆ្នាំ២០១៨ វេលាម៉ោង០៣និង៤០នាទីទាបភ្លឺ កម្លាំងនគរបាលប៉ុស្តិ៍បឹងទំពន់ទី១ បានឃាត់ខ្លួនជនសង្ស័យម្នាក់ពីបទលួច(ស្លាកលេខរថយន្ត) កាលពីថ្ងៃទី១៤ ខែសីហា ឆ្នាំ២០១៨ វេលាម៉ោង០៣និង៣០នាទីទាបភ្លឺ នៅចំណុចមុខផ្ទះជួលេខ១០៩ ផ្លូវលេខ៣១បេតេ ភូមិសន្សំកុសល២ សង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ។
លោកវរសេនីយ៍ឯក តេង ស៊ីតូ អធិការនគរបាលខណ្ឌមានជ័យបានឲ្យដឹងថាជនសង្ស័យឈ្មោះ លី រុន ភេទប្រុស អាយុ២៩ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅផ្ទះជួលគ្មានលេខ ផ្លូវលំ ភូមិឫស្សី សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ (មានផ្ទុកសារធាតុញៀនក្នុងទឹកនោម)។
ជនរងគ្រោះឈ្មោះ EDARDO SPANAGUITON (អេឌ័រដូ ប៉ាណាហ្គីតុន) ភេទប្រុស អាយុ៣៦ ឆ្នាំ ជនជាតិហ្វីលីពីន ទីលំនៅផ្ទះជួលេខ១០៩ ផ្លូវលេខ៣១បេតេ ភូមិសន្សំកុសល២ សង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ មុខរបរ គ្រូបង្រៀនភាសាអង់គ្លេស។
វត្ថុតាងចាប់យក៖ស្លាកលេខរថយន្ត ភ្នំពេញ 2I-0638 ចំនួន ០២បន្ទះ (ជារបស់ជនរងគ្រោះ) និងកង់ដៃការ៉េ ពណ៌ទឹកប្រាក់ ចំនួនមួយគ្រឿង, ដង្កាប់មួយ, ពិលពណ៌លឿងចំនួនមួយនិងថង់ប្លាស្ទិចពណ៌ខ្មៅមួយ(ជារបស់ជនសង្ស័យ)។
បច្ចុប្បន្នជនសង្ស័យឈ្មោះ លី រុន ឃាត់ខ្លួននៅអធិការដ្ឋាននគរបាលខណ្ឌមានជ័យដើម្បីកសាងសំណុំរឿងចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ5511
- ម្សិលមិញ16391
- សប្តាហ៍នេះ51741
- ខែនេះ166891
- ឆ្នាំនេះ166891
- សរុប20609347